الحوار المثالي بين الشباب والبنات

لسلام عليكم ورحمة الله وبركاته

(( الحوار المثالي بين الشبــاب والبنات ))

أهلاً بكم

سئمنا من كثرة الحوارات التقليدية المنغلقة و الأفكار المتقوقعة

والمواضيع المتكررة التي أصابتنا بالملل بسطحيتها و محدوديتها

وموضوعي الذي أود أن أطرحه عليكم 000

عبارة عن حوار مثير بين فريقين

فريق >>>> آدم
فريق >>>> حواء

أتمنى أن تكون الردود راقية تمثل عن صاحبها

هناك أمور يكرهها الرجل في المرأه أو لا يستطيع فهمها

(( و ))

هناك أمور تكرهها المرأة في الرجل أو لا تستطيع فهمها

وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة

و موضوعية وبعيداً عن التعصب حتى نستمتع و نخرج منه بنتائج إيجابية.

[ بداية الحوار ]

سيقوم فريق(( آدم )) بطرح تساؤل عن أمر معين لا يعجبه في (( حواء))
وسيقوم فريق (( حواء )) بالرد وتبرير الموقف

وبعد إعطاء الإجابات والمبررات الكافية يصبح فريق (( حواء )) في وضع الهجوم
ويطرح سؤال على فريق (( آدم ))000000

وهكذا يستمر الحوار

[ ملاحظة ]

يحق للجميع المشاركة وإبداء الرأي ولكن في حدود اللباقه وبدون تجريح

وأرجوا أن نكون مع الحق دائماً بعيداً عن الإنتماء و التحيز

(( صافرة البداية ))

أتمنى أن ينال الموضوع إعجابكم

تقبلوا مني التحيه))

وعليكم السلام ورحمة الله وبركاته ؛

يعطيج العافية أبلة على الإختيار الموفق والموضوع الحلو ..

وبانتظار أسئلة وهجوم فريق آدم (:

السلام عليكم

اول شي يعطيج العافية على الموضوع

ثاني شي انا قبل اسبوع تقريبا سمعت ان في وحده من البنات فاتحه ديوانية حق الحريم ببيتها

واعتقد ان هذا الشي غلط

واليوم بمباراة الكويت × مصر مسوين رابطة نسائيه قاعدين يشجعون المنتخب

وهالاشياء اعتقد انها حق الرياييل مو حق الحريم

وبس

آنا حبيت ازيد على أخوي ملقوف

هل فعلا في دوانين نسائيه

واذا كانت اجابتكم بنعم ؟! ماذا تفعلون بها وشنو الحوار اللي يكون بينكم ؟

وآنا اللي أعرفه انه الديوانيه للرجال يعني بعض الرجال يسهرون ويتجمعون فيها

فهل انتي يا حواء اذا بغيتي تروحين الديوانيه ؟! شتقولين لأبوج أو أخوج أو ريلج تقوليله آنا بروح الديوانيه عند الربع ولا شنو بالضبط؟؟ لووول

آنا قبل جم يوم وصل مغلف للبيت وهو موزع على جميع البيوت الي بمنطقتنا ففتحت المغلف فوجدت أنه أحد مرشحات الانتخابات مسويه ديوانيه وتبي حضور في الديوانيه وبكل فخر ماتبه على المغلف أختكم ( ...... ) تدعوكم لحضور الديوانيه ؟

ما أدري اذا وصلكم المكتوب ولا لأ ؟! لكن هذا فعلا حصل معانا بالبيت ؟؟

ترى فعلا هذا خطأ وأكبر من الخطأ

بس آنا أيضا أدعو الحريم بانهم يمنعون القمار بالديوانيه حفاظا على سمعتهم لوول ؟؟

أرجو من فريق حواء الرد ؟! هل فعلا هذي الظاهره موجوده ؟ وهل انتي من رواد الدواوين؟

يعطيج العافيه على الموضوع وفعلا مثل هالمواضيع الليي نتمناها بالمنتدى فعلا موضوع رائع :> وشاكرلج على موضوعج اللي بدون مجامله روعه

وتم تثبيته

عن نفسي للحين ماشفت ديوانية حريم !!

بس إلي أعرفه إن الحريم لكبار يتيمعون حق جاي الضحى وقرقة وسوالف وفي حريم الله يهداهم حش لكن في صنف بعد لأ قصده اليمعة والوصل ..

وفي تجمعات حريم للمحاضرات الدينية أو الثقافية ..

لكن كمسمى ديوانية وطلعات آخر الليل وتيمع بنصايفه وكوت وهند وييب الشيشة وودها ولعب بلي ستيشن ومتابعة دوريات كأس العالم لأ ماصارت للحين P:

يمكن راح تلقون مسمى الديوانية عند المرشحات بس مثل ماتفضل أخوي راجع .. الله يهدينا ويهديهم يارب ..

أما بالنسبة للي قاله أخوي ملقوف عن رابطة التشجيع النسائية فأنا الصراحة عن نفسي ماأأيد روحة البنات لمباريات كرة القدم
وللأسف إلي نشوفه وحاصل الحين إن ثلاث ترباع الجمهور بنااات !!

والي يبي يلوم يلوم الأبو والأخو إلي سمحوا لهم يروحون !!

أي إستفسارات ثانية (:

== == == == == == == == ==

اول شي الله يعافيكم ومشكورين على التفاعل والردود الحلوه والالتزام بقوانين الحوار
حبيت اعلق على السؤال اول شي بالنسبه للدواوين صح انتشرت هالظاهر وانا اعرف ديوانيتين مالت حريم بدون ذكر اسامي والصراحه هذا شي فعلا غلط ويفشل واللي يسمع يقول حريم الكويت وين وصلوا بس طبعا مو الكل البعض واللي يسوونه بالدواوين مو الشيشه والكوت Razz

لا بس تكون كأنها زواره يمعه حريم عاديه فيها سوالف وضحك بس مسمى الديوانيه غلط يعني كانوا يقدرون يقولون عنها يمعه او زواره او اي من هالمسميات
اما بالنسبه للرابطه النسائيه للتشجيع في المباريات هذي الصراحه عار بمعنى الكلمه وانا اتفق مع الوان هني الشرهه على الاخو والابو اللي يسمحون حق بناتهم وخوانهم انهم يسوون شي مثل هذا يعني اذا الوحده فيهم ماتفكر وكل شي عندها عادي المفروض في ريال يردها
وسلامتكم
في استفسار ثاني بهالموضوع والا نبدي نشن هجومنا على فريق آدم Cool

آنا من رأيي أنه البنت اللي تحظر المبارات هي المسؤوله وهي اللي المفروض ما ترضاها على نفسها

لأنه رأي الأبو والأخو أنه البنت بتروح تقعد بمكان مخصص للعائلات ومكان مخصص للنساء و وأحيانا يذهبون مع الأبو أو الأخو

وبانتظار هجومكم :>

طبعا البنت المفروض اهيا ماترضى بس الغريب مو ان البنت ترضى الاغرب ان مثل ماقلت الابو ولاخو يرضون على بناتهم انهم يروحون لا واهم بعد يروحون معاهم

وين هجومكم ولا ما عندكم مهاجمات p;

بلا عندنا انا عندي سؤال ببدي فيه
شنو مشكله لبس الشباب وشعورهم اللي ياطايره جنه طامر بويوهم يني والا طويله واستشوار وهاللبس البايخ اللويست والوان البنات ابي اعرف الشباب ليش يسوون بنفسهم جذي وطبعا انا ادري مو الكل بس الاغلبيه
ليش هالحركات ووين موقف الاهل من اشكال شعور ولبس عيالهم
وشكرا

الصراحه آنا ما اقول انه هالشي مو موجود هو فعلا موجود لكن الشباب السنعين والزينين واللي تقولين عنهم اقليه شوفيهم بالدواوين و بالأماكن الحلوه موجودين ترى وما خلصو .؟

وثاني شي ىنا فعلا اوافقج الراي في شباب اشكالهم وشعورهم ( يالله تسكنهم ) جنه نخله

بس ايضا البنات مبدعين ؟! وموديلاتهم حدث بلا حرج

وعلى فكره قليل من اللي يبدعون ويطلعون بشكل بشع وايضا في كل عصر وفي كل وقت استايله وطريقته وان الله جميلٌ يحب الجمال يعني على ايام الرسول كان لهم طريقتهم باللبس

وفي كل وقت و زمان لهم طريقه باللبس

لكن !

ان يكون اللبس محتشم وأحنا رجال ما يعيبنا شي بس العيب عليكم انتو يالحريم اللي تلبسون شي مو مستر ؟!

لوول جني قلبتها عليكم p;

انا معاك صح في بنات لبسهم ويفشل وحده خايس
بس نرجع حق موضوعنا واهو لبسكم لاتقول في كل وقت لبسه وستايله لان اذا شي نزل انا مومجبوره اني اسويه واقلده ومثل ماانت قلت في شباب اشكالهم سنعه وذربه ليش ماقالوا هذا الستايل هاليومين
هذا مو عذر واذا في بنات لبسهم موزين هذا مايعني ان لازم حتى انتوا يكون لبسكم موزين والصراحه شبابنا صاروا يفشلون باشكالهم وارد اقول مو كلهم
ومارديت على نقطه انا بعرف الاهل يشوفون شعور عيالهم ولبسهم ؟؟

بصراحة هذول الشباب ما يعتمد عليهم وهذول ما يمثلون شباب الكويت

وبالنسبة للاهل اعتقد ان الاهل يشوفونهم بس مايقدرون يسون لهم شي

والله ياملقوف كلامك يضيق الخلق تدري ليش لان صح ان هذول الشباب مايعتمد عليهم والمشكله انهم صاروا الاغلبيه ...وماكو شي اسمه الاهل مايقدرون الاهل يقدرون بس مالهم خلق

الحين دور فريق ادم يلا ورونا شطارتكم

انا اقووول خل البنات يستريحوون وايد احسن للأنه اهم بس يبوون يقلدوون الريال وبس

الحوار المثالي بين الشباب والبنات 0002006E

سعود كلامك اي شي

dimaa-23

ونتي كلامج وايد شي وشتقنا حق مواضيعج الحلوة

الحوار المثالي بين الشباب والبنات 0002011D

الحوار المثالي بين الشباب والبنات 00020144

الحوار المثالي بين الشباب والبنات 0002012D

لووووووووووووووووووووووووووووووول
صج ديما ترى ولهنا على مشاركاتج Very Happy

صدقتو :>

أجو عدم التهرب من الموضوع الاساسي يا ابله لووووووول

آنا حبيت اهجم عليكم وراح ااتكلم عن حقوق المرأه اللي بالغو فيها الصراحه

أول شي دخولكم حق مجلس الأمه كثل ما أحنا شفنا المصخره اللي صارت وانتو عارفين نبيها خمسه وغيرها واللي انتشرت بالبلوتوث وانتو عارفين بصراحه مصخره وبدعو ؟! شنو ردكم ؟! عن هذا الشي

انا وحده ضد حقوق المراه السياسه بعنف

مشرف عدد الرسائل : 752 تاريخ التسجيل : 14/05/2007

حقوق المرأه كانت تجربه لابد منها يعني ماراح نتطور إلا لما نجرب وهذا أهوه المجلس من سنين ومنين والريايل ماسوو في شي بس نجره
وطبعا هالقرار مثل مافي أشياء إيجابيه أكيد في أشياء سلبيه

صح كلامج بس راح تتطور تكثر السلبيات دخلو المجلس عقبها الشرطه والداخليه وبعدين بيصيرون سفره لين يصير عندنا مثل كونداليزا رايز...... بس مالتنا راح يكون اسمها شقحه مفلح

لووووووووول

لوووووووووووووووووووول اهم شي شقحه مفلح
لا انا اقول انه دخول المرأه المجلس مافيه اي ايجابيات كله سلبيات يعني حق الانتخاب ممكن لان حلو ان نقدر نختار منو يمثلنا بس حق الترشيح لا والف لا

» معاني اسماء الاولاد والبنات
» تعرفوا ليش الشباب منقهرين منا احنا البنات ؟؟ تعالوا جوفوا