معقولة نقط كلام ونشرك فيه بدون قصد ؟!

السلام عليكم

======

الصراحة أهو مو موضوع كثر ماأهو تنويه لبعض الألفاظ إلي نقولها أو نكتبها بطريقة غلط وبدون قصد منا قاعدين نسيء فيها لذات الله سبحانه وتعالى
أو إن معانيها قد تؤدي إلى الشرك إذا لم ننتبه لها !!!

1- ( إن شاءالله ) كثير منا قد يكتبها >> ( إنــشاء الله ) وفي لك تغيير لمعنى الكلمة ككل .. فبدل مايكون ( إن ) بمعنى إذا شاء الله ... أصبحت الكلمة
( إنشاء ) كإنشاء مشروع أو إنشاء مبنى .. إلخ ..

فماذا يصبح المعنى إن قلنا ( إنشاء الله ) !!!!!!! أستغفر الله

فيرجى أعزائي الإنتباه لذلك ..

2- ( تحياتي ) وهي كلمة شائعة تقال .. ولعل التنبيه على عدم جواز ختم الماوضيع بهذه الكلمة منتشر في المنتديات ولكن البعض لازال يستخدمها إما لجهله بهذه المعلومة أو لعدم أخذ الموضوع بجدية وإستسهاله للعواقب !

ولقد أفتى الشيخ ابن عيثيمين رحمه الله بذلك حيث قال بعدم جواز قول كلمة ( تحياتي مع تحيات تحياتي لك )
لأن التحيات تعريفها شرعا هي: البقاء والملك والعظمة
وهذه صفات لا تصرف إلا لله ..
وإن لاحظتم، ففي كل صلاة نقول في التشهد: التحيــات للـــه
إذن علينا أن نستبدل كلمة تحياتي بكلمة تحيتي أو مع التحية
قال الشيخ ابن عثيمين رحمه الله
ان التحيات جمع تحية، والتحية هي التعظيم، وقال أيضا: ولا أحد يحيّا على الإطلاق إلا الله، أما إذا حيّا إنسان إنسانا على سبيل الخصوص فلا بأس به
فلو قلنا مثلا: لك تحيتي أو لك تحيتنا مع التحية فلا بأس بذلك،
فالأولى أن يتقيد الإنسان في التحية باللفظ الذي جاءت به السنة عن النبي صلى الله عليه وسلم وهي: السلام عليكم ورحمة الله وبركاته،
وهذه التحية هي التي شرعها الله عز وجل ..

لذا يمكننا قول مع خالص تحية .. أو أصدق تحية .. ولكن ليس ( مع تحياتي )

3- ( بــاي ) الكثير الكثير بل غالب شبابنا يقولونها لكن هلفكر أحد بمعناتها قبل لا يقولها ولا صارت السالفة مجرد تقليد !!

كلمة باي للأسف إختصار لجملة ( في حفظ البابا ) ولا عجب بإن الأجانب يقولولنها لأنهم مسيحيين !!

ولكننا مسلمون وهذه الجملة في عقيدتنا تعتبر كفر وشرك !!
فلا حفظ إلا حفظ الله .. فخير لنا أن نقول في أمان الله أو في حفظ الله بدل كلمة بااااي !!

:: يجب علينا الإنتباه لكلماتنا وألفاظنا ::
:: ولنحفظ ألسنتنا من الوقوع بالشرك ::
_من غير علمنا وبدون قصد منا _

ونصيحة أخيرة أحبتي .. أختموا يومكم بقراءة سورة ( الكافرون )فإنها تبرئ من الشرك ..

:: يعطيكم العافية ::

الله يعافيج حبيبتي ومشكوره على المعلومات المفيده
الله يعطيج العافيه
بانتظار جديدج

يعافيج أبلة والعفوو .. أسعدني مرورج

:: تمنياتي القلبية لج بالتوفيق ::

^_^

يعطيج الف عافيه الوان ومعلومات جميله :> الصراحه

وبانتظار كل جديد منج :>

يعطيج العافية على المعلومات

الله يعافيكم .. أسعدني مروركم .. تمنياتي لكم بالتوفيق (:

والله معلومات كنت جاهل عنها وتوني عرفتها ويعطيج ألف عافيه عالموضوع المفيد Smile

الله يعافيك أخوي مشاري .. أسعدني مرورك

:: تمنياتي لك بالتوفيق ::

موضووعج جيد ولاكن اهم شي النية

كلامك عدل أخوي سعود النية مهمة وشي ضروري وماننسى إنما الأعمال بالنيات ..

لكن هل هذا يعني إن النية تنفي وجود البدع أو تجعل من الخطأ صواب !!

يعني على سبيل المثال واحد يبي يسرع ويستعرض بسيارته نيته يبي يستانس لكن بالمقابل دعم شخص وهالشخص مات !!
هل نيته كان يقتل هالشخص أو يضر نفسه ؟ أكيد لأ
لكن شنو النتيجة إنه صار قتل عن غير عمد وعليه حساب ودية وفي قصاص !!

أتمنى المعلومة واضحة بهالطريقة ..
بالإضافة إن صحيح النية ضرورية لكن في علم وعلماء وفي أحاديث ومشرع لنا .. و الجاهل بأن الشغلة غلط أو بدعة أمره لله وهو رحيم فيه لكن إلي عرف وتعلم عليه حساب شي أكيد ..

والله أعلم بالأخير

:: أطيب تحية لك ::

الوان خشبية

في احد قالج اني مينوون ولا ماأفهم عشان تشرحيلي هل الموضووع كله وبعدين امتى ماصرت مثل عمرج ذيج الساعه قوليلي استعراض سيارات ومادري شنوو
وبعدين انا ماطلبت منج انج تفهميني او تشرحيلي واذا انتي حاطه ابالج انج لمى تكتبين وايد انج تصيرين فاهمه تراج غلطانه وماني محتاج ردج

معقولة نقط كلام ونشرك فيه بدون قصد ؟! 00020059

ماأظن إني قلت كلمة مينون بكلامي ؟؟ وماوصلت لهذا المستوى

وماقلت إنك ماتفهم إلا إذا انت شاك بنفسك !!

والمثال كان للكل ماكان خاص وموجه لك !!

وبعدين ماظن تعرف عمري عشان تقول متى ماصرت بعمرج !!

ومع اني موياهل يا أخ سعود بس ترى الإنسان بعقله مو عمره

ولو انت حاسب حساب لعمرك اظن في اسلوب أرقى لكبار يتحجون فيه مع احترامي لك

>>واذا انتي حاطه ابالج انج لمى تكتبين وايد انج تصيرين فاهمه تراج غلطانه وماني محتاج ردج <<

ماظن انك عالم بالنوايا يا أخ سعود !!! وهالكلام قوله حق غيري
مو لي !! لاني ياهل ولا سفيهةولا ياية أدور شهرة أو أتفلسف !!
أكتب إلي أبي أقوله وماهمني انت شنو تظن أو فلان شيظن
وماظن اني أكتب رد لان أحد محتاج !!! شهالتفكير وشهالكلام الغريب وين احنا بالضبط !!

وأظن الرسول صلى الله عليه وسلم قال : قل خيرا أو اصمت ..

و (الصراحة )ماتعني التجريح والأسلوب الغير لائق والكلمات الغير محببة

مااعجبك شي لا تجامل و قول مو عاجبك لكن ما تتكلم عن نوايا الناس وبهالطريقة وبمثل هالكلمات !!

أتمنى بعد ماتقول مو محتاج نصيحتج لاني مو قاعدة اوجه نصيحة
بل رد على أسلوبك الغريب !!

:: أطيب تحية لك .. وتمنياتي لك بالتوفيق ::

صج صج صج قرقه

صج صج صج الله يعينك (:

علأقل قرقة بدون ماأغلط أوأجرح أحد .. مو أقول كلمتين بس مثل السم !!!

شرفت الموضوع بردودك ومشاركاتك ^_^

لاتزعلين يابنت الحلال وحقج عليناااااااااااااااااااااااااااااااااااااا

وعشان ماتزعلين آنا آسف ومرة ثانية ماراح اتقشمر او اعلق على مواضيعج

والسم يابنت الحلال انسم فيه عدوينج وحتى لو كنت من عدوينج ممكن انج تسميني

ومع السلامه

ومن قال إني زعلت Very Happy

لا ياخوي أنا آخر وحدة تزعل ترى من هالشغلات وبالعكس كان عندي الموضوع عادي .. ماصار شي !!!

وماله داعي تتأسف .. وكل واحد حر بتعليقاته بالأخير
ومثل ماعلقت انا رديت عليك وعلقت !! بس ماله داعي تصير حزازيات ^_^

وعلى فكرة انا صج قرقة tongue

بس بالكتابة ^_^ يمكن لأني بالصج ماأتكلم وايد

وسلامتك من السم .. لا انت و لا احد من عديويني

وهم على فكرة ترى انت اول عضو شدني قبل لا اسجل بالمنتدى من ردودك وتعليقاتك العجيبة Wink

بالعكس أخو وعزيز ويسعدني تواجدك بمواضيعي وبانتظار أي تعليق وانتقاد منك king

يسلموو على المعلومات

الله يسلمك رونالدو .. ويعطيك العااافية (:

» عيش يوم بدون هم