ضفدع زتارا

[size=18]كان يا مكان في قديم الزمان
كان في مستنقع يعج بالحيوانات المائيه كا الضفادع والتماسيح والحشرات ألخ ألخ ألخ ..
وكان هناك ضفدع متهور ومزعج وضفدع عاق لوالديه وكل الحيوانات تشتكي منه .. يا ترى منو هالضفدع !! اووه انهو ضفدع زتاراا !! ..
يحكى ان زتارا ضفدع يبلغ من العمر 22 سنه انه عاطل عن العمل لا شغله ولا مشغله لاكن مسجل في ديوان الخدمه وينزله 150 بدل بطاله وبهالفلوس يحتسي الخمر كل يوم ويزعج الجيران وبنات المستنقع .. في يوم من الايام قرر أهالي الستنقع ان ينفون ضفدع زتارا من المستنقع .. فاا كان زتارا نايم بهدوومه كالعاده ومايدري وين الله قاطه من هالزحير اللي يشربه .. فا راحله احد الضفادع وقعده من النوم وقاله روح مختار المستنقع بيبك .. فاا رد زتارا على الضفدع ماني ياي قوله نايم نايم .. قاله الضفدع رووح يبيك ضروري عااد ما اطول عليكم المهم قام زتارا وراح حق المختار .. ولا شياب المستنقع قاعدين كلهم .. الزبده قالوله يبه ما نبيك وصارت لويه وعصب زتارا المهم مخلص الحجي .. زتارا شال شقه وطلع من المستنقع ..
عاد راح زتارا يبي يدورله على مستنقع ثاني .. يمشي ويمشي ويمشي ويمشي راااح بعيد ولا يشوف @@ هالمستنقع الوصخ والقلق اللي مافيه ولا احد والماي اسود على اخضر يعني حده ويع .. عاد وقف قال يمكن اكو احد لان ظلمه فاا قام ينادي .. اكوو احد هني !! ياا هووووو ياا اهل المستنقع ويييه عمك اصمخ ماكو احد .. عاد قال زتارا يبه انا اقعد هني بروحي احسن لحد يقولي شقاعد تسوي ولا شنو قاعد تشرب .. عاد قعد زتارا شغل الاي بود يسمع اغاني و يحتسي الخمر .. صارت الساعه 4 الفير ونام زتارا ..
ما سألتوني ليش زتارا كله يشرب !! ايييه انا اقولكم .. مادري منو قاص عليه قايله اشرب عشان تنسى .. زتارا يوم كان ضفدوع ياهل كان يحب بنت ييرانهم اللي بالمستنقع وهالبنت تحبه حب طفولي يعني .. وكانوا يشوفون بعض كل يوم ولما كبروا كانوا متفقين على الزواج .. بس لما كمل زتارا 16 راح حق امه قالها يمه ابي اخطب قالتله وييييييييه الساعه المباركه منو منو تبي @@ قالها ابي فلانه قالتله لااا !!! مالك امل ازوجك ايهاا اوخ !! ليش يمه فالتله تبي تفشلنا تبينا نروح واهلها يردوونه !! ايييه يمه ليش علميني شالسالفه قالتله يبه البنت اللي تقول عنها اهلها يبون ناس اصيلين واحنا مو اصيلين احنا مهاره وحتى لو مو اصيلين يبون ناس اغنياء واحنا كل واحد طرق هدوومه اللي عليه !! شلون بالله تبي تقص ويهي انا وابوك !! قالها شنو يعني وعصب ومن يومها واهو ملعوز اهله واللي بالمستنقع كله ..
عاد قال زتارا بس انا لازم اغير حياتي ولازم اصير غني وارد المستنقع واكسر عينهم واتزوج اللي ابيها .. وراح وكسر باجي البطلين اللي عنده وقعد يفكر ويفكر ويفكر لين ما لقى شي يسويه ونام .. واهو نايم ولا يسمع صوت بطل عينه ولا هناك اكو ليت سياره راح صوب السياره ولا اثنين قاعدين يسولفون انه المستنقع اللي زتارا قاعد فيه تحته بير نفط بس ما يبون الشركات النفطيه الثانيه تدري عشان لحد ايي !! عاد لقط اسم شركه من الشركات اللي ما يبونهم يدورن .. ورد زتارا يفكر !! شلون شلون عاد قال من اصبح افلح ونام .. قعد الصبح وقال انا لازم اروح حق شركة نفطكو واقولهم عن البير وبالمقابل يعطوني فلوس واصير غني وارد الستنقع ضفدع غني ييييييييييييس واتزوج اللي ابي .. عاد راح زتارا الداون تاون يدور يدور يدور جان يلقى الشركه .. طبعا اهو ضفدع وبالدوان تاون يعني فلم شلون يتخطرف بين السيايير واشياء بس انا قاعد اقول المختصر .. عاد صعد الدور السابع اول ما تبطل الاصنصيل مادري الانصنير مادري شسمه المهم ولا يشوفه مساعد المدير لووول قاله يحليلك شيايبك هني انت تعال تعال وحطه على المكتب وراح اييبله قوطي عشان يحطه فيه يوم رد ولا زتارا كاتبله السالفه مالت البير والمستنقع !! استغرب مساعد المدير وقعد يسولف مع زتارا بالكتابه .. عاد قاله زتارا انا مابي شي بس ابي 4000 مهر وكرافان سحب ورصيد 10000 اعيش باجي حياتي مع زوجتي .. قاله مساعد المدير لو كلامك صج اعطيك دبل اللي قلت عنه بس خلني ادز العمال اللحين يشوفون جان صج كلامك ولا خرطي .. عاد نطر زتارا عند الميدر على ما ايوون العمال ولا كلامه صج .. عاد راح مساعد المدير مع زتارا عند المدير وقاله السالفه قال المدير حق المساعد روح انت وزتارا بنك برقان وافتحله حساب وحطله 70000 واشترله اللي يبي .. عاد زتارا هني طار من الوناسه .. المهم راحوا وخلصوا كل شي واهم رادين قال زتارا حق مساعد المدير خلاص نزلني هني انا بروح المستنقع ماني قادر انطر .. عاد قاله اوكي موفق ومادري شنو .. المهم نزل زتارا لف ويهاا يبي يسوي بيباي حق مساعد المدير ولا ببببق !! ولا دايسين على زتارا :$
وخلصت وملصت ويت الديايه وعنفصت [/size]..

لوووووووول
مسكين ماتهنا
مشكوووره عالقصه الروعه

لووووووووووووووووول صج مسكين
مشكوره والله يعطيج العافيه

الله يعافيكم ومشكورين عللى المتابعة الحلوة

يسلموو على القصة